為江若琳送上夢想婚禮 田蕊妮:你係我認識過心地最善良嘅女仔

蕭潤邦、江若琳(影片截圖)

藝人田蕊妮主持的節目《1+1的深情》,昨晚一集請來即將結婚的江若琳(Elanne)與「生煎包王子」蕭潤邦(Oscar)做嘉賓,節目中兩人大談如何由相識逾10年的好友變身情侶外,田蕊妮更為一對準新人送上驚喜!

Oscar笑指女友夢想婚禮場景似天堂

Elanne在節目中透露理想婚禮是婚禮場地中間有個拱門,然後周遭是一片花海,加上煙霧瀰漫,豈料被Oscar認為感覺似天堂。雖然Elanne心目中婚禮的理想場景不被認同,但田蕊妮仍為她準備她的夢想婚禮,現場準備好拱門、花海以及煙霧瀰漫的感覺,並且請來小肥及Elanne的粉絲及經理人到場祝賀。當Elanne及Oscar收到節目組為兩人製造的驚喜時,Elanne不禁驚訝得用手遮嘴,又問道:「點解會咁嘅?」

江若琳見到節目組為她送上夢想婚禮感驚喜(影片截圖)
婚禮場景是按照江若琳所想而佈置(影片截圖)

田蕊妮感動到喊埋一份

至於田蕊妮對Elanne說出祝福的話時亦忍不住流淚,更笑言感覺似自己出嫁一樣,她說:「你係我認識過心地最善良嘅女仔,我同老公(杜汶澤)成日覺得一個廿幾歲嘅女仔,佢經歷嘅嘢係旁人無法想像得到,同埋可能你經歷嘅嘢擺喺我身上我未必撐得住,我覺得你好叻,我成日同我老公講江若琳一個咁心地善良嘅人,希望佢可以搵到一個好好嘅男人可以照顧佢下半生,等佢可以好舒服好安樂咁過佢嘅生活,我開心嘅係你真係搵到,所以你嗰種打不死同埋就算錯咗都會繼續試嘅性格原來係啱㗎,希望你繼續Keep住呢個心地善良同呢股勇氣。」Elanne聽到也不禁感動得落淚,最後兩人相擁,場面動容。

江若琳感動到喊(影片截圖)
田蕊妮都喊埋一份(影片截圖)
場面感人(影片截圖)
田蕊妮與江若琳相擁(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟