細個做唔成公主 黃心穎靠姨甥女圓夢 

黃心穎

藝人黃心穎和三位家姐不時在社交網站上載四姊妹合照,被外界封為「一門四美」,身為細妹的心穎果然是黃家的開心果,她經常化身「最強姨姨」帶二家姐黃心妙的三子女到處遊玩,將姨甥仔女視如己出!而今次心穎更攜同心妙及姨甥女 Leila 為主題樂園拍攝宣傳短片,背後更有重要任務。

話說黃氏四姊妹童年經常玩扮公主遊戲,不過「公主Quota」經常要讓給三位家姐,而最男仔頭的心穎被逼要做小王子。時隔多年,她的內心仍然有一個未圓的公主夢,今次帶同姨甥女進入城堡,是希望 Leila 能夠化身最幸福的小公主,代她完成這個美麗的夢想。

細個冇得扮公主

心穎表示:「我細細個就渴望做公主,但係扮公主永遠唔輪到我,三個家姐成日都唔同我玩,例如細個打羽毛球,三個家姐會自己玩,我就負責執波。可能我特別細個,年紀同佢哋相隔遠啲,慢慢佢哋三個好女仔,我就好男仔。」心妙也笑言心穎小時候一頭短髮,愛踢足球,性格較男子氣,所以玩起扮公主遊戲時只能做王子角色。

姨甥女幫黃心穎圓夢

姨甥女幫心穎圓夢

拍攝當日氣溫跌到只有攝氏7度,三位主角事前做足保暖功夫,當中心穎最為誇張,準備了7個暖包抗寒流:「 我身貼咗5個暖包,手又拎住兩個,不過今日都唔算太凍,因為拍嘅大多數係室內景。」首先工作人員為 Leila 悉心打扮成《魔雪奇緣》的「Elsa女王」。當 Leila 搖身一變成為 Elsa 後,心穎坦言心裡莫名感動,因為 Leila 正式代她圓了多年的公主夢:「見到 Leila 好樂在其中,因為每個小朋友都想做公主,佢喺鏡度睇到自己變咗身,個笑容好真誠。我想同佢有一個共同回憶,到佢第時大個睇返,知道原來當年扮過公主同姨姨拍片。」心穎看到現場各種公主服飾,也勾起了她的一顆少女心,戴起后冠扮「心穎公主」。Leila 與「安娜公主」會面時表現超級開心興奮,媽媽心妙同姨姨心穎忍不住不停自拍,sweet到爆!

黃心穎有顆公主心

使出「氹B四式」

到了正式拍攝時,Leila表現淡定無扭計,身為姨姨的心穎也非常稱職,不惜使出「氹B四式」- 抱、轉、踢、食來博姨甥女一笑。到了童話園林,心穎和心妙仲齊齊抱起 Leila 在不同的公主經典童話場景拍照,又化身「人肉氹氹轉」不斷自轉「施展魔法」。兩姊妹更拖實 Leila 瘋狂踢腿留倩影,還準備了巨型棉花糖獎勵 Leila。最後Leila 與其他小公主們一同參與巡遊,與一班巡遊主角共舞,為今次拍攝劃上完美的句號。

黃心穎
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟