【武漢肺炎】曾於康美樓取景 王宗堯嘆:香港人好可憐

武漢肺炎在本港爆發,昨晚青衣長康邨康美樓因為出現兩名確診病患者,疑有大廈傳播風險,故昨晚政府漏夜緊急疏散逾百名住客,並送往檢疫中心隔離。王宗堯見到新聞就在IG感觸留言:「唉…香港真的病了。 兩年前《向西聞記》諷刺嘅係香港嘅房屋問題。 兩年後拍港台獅子山下重回長康邨同一單位.. 這張劇照… 看到有點感觸.. 昨天爆發的新聞.. 第一個失守的社區就是長康邨.. 感覺香港.. 我們的家真的好可憐.. 香港人.. 真的好可憐..」

《向西聞記》兩集單元《碌架床》及《獅子山下》都是在康美樓拍攝。

原來王宗堯有份參演的《向西聞記》兩集單元《碌架床》及《獅子山下》都是在康美樓拍攝,他直言今次政府處理好差:「政府嘅做法同林鄭嘅回應真係好差,都冇喺經驗中吸收教訓,仲叫市民唔好出去食飯、唔好約朋友、唔好睇戲、唔好做運動,乜都唔做得但又唔封關,令到香港人更加冇晒生活,市道靜到黐線,所有嘢相關掛鈎嘅時候,影響晒香港成個經濟,香港人依家真係好慘。」他表示最擔心今次疫症會和沙士時一樣在社區爆發。」

單元《碌架床》就講述一家六口迫住 300 呎公屋單位的各種悲哀。

另外,同樣有份參演《碌架床》的林雪亦叫大家小心身體:「又會咁橋嘅?拍嗰陣記得環境幾好,乾淨,樓上電梯大堂又大又通風,希望受感染確診嘅病患者快啲好番,疫情早日過去,不過大家呢排都真係要注意衛生,小心身體。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟