董敏莉（Monie）26日迎來她的38歲生日，今年她有一份非常特別的禮物，就是她與律師老公莊耀金所生的BB女也是同一天出生，可喜可賀！她接受媒體訪問時表示，「我專登揀呢一日開刀，方便以後一齊慶祝，點知囡囡唔單止同我同月同日，連磅數都係一樣，真係緣份！」
「方便以後一齊慶祝」
Monie26日開刀誕下女兒，重7.2磅。她說：「我哋一早已經幫佢改好名，中文名叫子子，英文叫Martha。成個過程都好順利，老公喺產房陪產，o依家會餵人奶，希望畀到最好嘅營養BB。」
原來她第一次產檢卻發現有子宮肌瘤，Monie話：「其實過程都有驚險，因為肌瘤都好大，阻住產道，所以醫生一早經已話要開刀，冇得順產，佢講明有危險性，驚失血過多，有二千分之一機會要切除子宮，好彩醫生盡力幫我止血，大小平安，可能半年之後要做手術切除肌瘤。」
Monie會先休息兩個月，之後再慢慢復工。問到會否母女檔拍廣告？她說：「咁長遠梗係未諗，如果阿女好似我咁靚，爸爸又准許嘅話，我都唔介意佢入行。」
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
