明年2月紅館開騷 鄭伊健:打機攞靈感

久違紅館舞台6年的鄭伊健,日前落實將於明年2月24至27日舉行演唱會,暫定開4場。鄭伊健昨日在尖沙咀出席活動,即場與gameKOL「達哥」林慧韡一齊打機。伊健笑稱可能有人會話佢成日掛住打機,但其實在打機當中可以攞到好多靈感,他說:「好似之前演唱會上有啲造型同配樂都係來自遊戲,因為好多遊戲其實行得好前,好多概念以前一早已經有,但到依家先有人用。」

欣賞達哥 盼出廣東話遊戲

鄭伊健又指,雖然未來要開始準備明年紅館演唱會,但會影響打機時間:「以前開會就要紙筆mark低用把口去講,但o依家資訊發達,拎住部電話就可以搵到好多啱嘅嘢。」笑言幸好自己的興趣一直都是打機,比起玩跑車平好多。

伊健還表示,他很欣賞達哥曾製作遊戲並親自配音,坦言「遊戲世界上多數都係英文同日文就算有中文都係簡體字講國語,如果可以好似達哥咁配廣東話就最好,如果有機會都好有興趣做,但game嘅類型太多,做邊款就要到時再考慮。」

鄭伊健指,雖然未來要準備紅館演唱會,但不會影響他打機的時間。(圖片取自IG)
伊健很欣賞達哥。(圖片取自IG)
鄭伊健將於明年2月舉行紅館演唱會。(網上圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟