馬德鐘近年主攻內地市場，最近回港宣傳新劇《跳躍生命線》，因為樣貌越來越年輕被指整容。他近日接受媒體訪問，對整容傳聞一笑置之，指因茹素近九個月而瘦了20磅，難怪弗到爆！
拍《跳躍生命線》感悟人生無常
他說：「依家靠植物性化學治療，即係食多啲植物、茹素，選擇食健康、有營養嘅食物，盡量少食肉類。」食素係因太太而起，覺得好健康，同埋拍《跳躍生命線》讓他對人生有感悟，「身邊有朋友患癌、過身，覺得人生好無常，健康好重要，大概食咗素九個月，感覺成個人好輕鬆、好精神，身體好好。」
馬德鐘現在的身形明顯比以前更弗，樣子亦更年輕。對於整容的傳聞，他笑說：「唔會嬲！通常畀人講完整容都會好Hit，自己知唔係咪得！因為瘦咗冇晒水腫，隻眼睇落都大咗。」
近年主攻內地 對港劇有情意結
馬德鐘現時基本上在家一日三餐都茹素，在內地拍劇時亦會親自下廚，但朋友聚會或應酬時也不會完全戒肉，他說：「雖然唔食肉，但其實每餐食得好飽，唔係淨係食菜，會食菇類、豆類、水果，白米就少食，會改為食意粉、通粉、藜麥，我哋唔係為咗減肥而淨係食菜，只要有足夠營養，食素就唔會唔夠體能，開始咗之後都冇乜病痛，感覺好好。」
馬德鐘在無綫劇集《跳躍生命線》中扮演救護員，大受觀眾歡迎。拍攝時正值夏天，演員穿着制服熱上加熱，他笑言在無綫長大已習慣：「反而好開心全廣東話拍劇，呢個都係情意結，呢套係好重香港味道嘅劇，喺內地唔會拍到。」
【#有禮送】下載 @ 流動新聞 📱手機APP！玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎！🤟
