Kerryta唔睇外表 揀Matt配種生育

新晉樂隊Dusty Bottle四位成員為了展現真我一面,特意接受挑戰大玩「Truth or Dare」,實行「Break」出真個性!唯一女將Kerryta大讚Matt有智慧及為人成熟,會揀他配種生育。

Dusty Bottle接受挑戰大玩Truth or Dare。

由鍵琴手JNY、女主音Kerryta、低音結他手Matt、鼓手Kay組成的香港新晉樂隊Dusty Bottle,繼去年推出《You Don’t Know Me》、《問世間情為何物》等反應不俗的歌曲後,今年再下一城,推出由他們作曲、編曲的新歌 《Break It Down》,該新歌不僅滲透着組合獨有的復古風格,更融入Funk與R&B等新音樂元素。

Dusty Bottle今年推出新歌 《Break It Down》。(前左)JNY、(前右)Kay、Matt(後左)、Kerryta(後中)

四人玩遊戲時表現投入,絕無欺場,其中鍵琴手JNY率先接受「Truth」的挑戰,被問到「人生中做過最違規的事是其甚麼?」時,他即自爆中學時經常逃學,最「爆」試過一個月沒有返學,他更表示:「我讀咗三年中二!」其餘成員聞言大表嘩然!

鍵琴手JNY自爆中學時試過一個月沒有返學。

不過論到最惹笑,莫過於主音Kerryta在「Truth」的挑戰中,被問到「會揀現場邊位成員配種生育下一代?」Kerryta想了一想即表示:「我會揀Matt,因為在隊員之中,他比較有智慧,而且為人成熟,所有事情諗得好清晰先做結論。」此話一出,JNY及Kay即自嘲無智慧,Kerryta還補充說:「其實我唔係一個睇外表嘅人。」認真反高潮,令身旁的Matt哭笑不得。

主音Kerryta表示會揀Matt配種生育下一代。

至於低音結他手Matt與鼓手Kay,分別接「Dare」挑戰,Matt要用絲襪笠頭自拍,而Kay要打電話給前度女友介紹新歌,當Kay致電前度提及新歌《Break It Down》時,對方竟然反問「咩嚟架?」最後Kay無奈地表示是樂隊的新歌,然後就叫對方多點休息,匆匆收線,認真笑破肚皮,事後Kay更笑道:「打電話畀前度,其實冇咩事都唔好打太多次。」

Matt要用絲襪笠頭自拍。
鼓手Kay(左)

 

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟