麻利籲重視咬字 姜濤粉絲玻璃心對號入座引罵戰

現與「Do姐」鄭裕玲主持《口水多過浪花》的商台DJ麻利,日前在社交網站分享有關正音的文章,呼籲新一代歌手重視咬字,以免令下一代懶音問題更嚴重。但一眾姜濤支持者疑對號入座,指麻利是針對自己偶像,紛紛inbox喪鬧,其中一名粉絲更留言:「佢唔需要唱歌咬字正都可以好紅!唔該唔好再單打佢,濤濤只係一個小朋友!」

眼見一眾「姜糖」無理取鬧,麻利隨即發火還擊,在ig限時動態上留言,指自己並非針對一個人,指「姜糖」對號入座,她解釋自己冇開名是因為根本就不是在講姜濤,更質疑歌迷「會唔會係你哋自己都知道自己偶像有懶音,全部走嚟對號入座,然後我係一個講出呢個現象嘅人,就係我唔啱?」

為了緩和緊張氣氛,麻利其後又出post指,其實大部姜糖都知甚麼是正確的,叫大家唔使咁緊張,不會因為任何人的行為影響對姜濤嘅觀感,亦讚姜濤是一個緊張自己事業,努力不斷進步的人。

麻利亦重申,在香港生活的人應該講好廣東話,這跟是否藝完全沒有關係,希望大家重視咬字。

麻利(ig圖片)
麻利ig圖片
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟