余潔滢與家姐相依為命 獨對四面牆喊

前年於無綫綜藝節目《美女廚房》成為「美女學徒榮譽生」的余潔滢(Zoe),近期全面進軍影視界劇,先後拍攝ViuTV驚慄題材單元劇《黑市》及劇集《男排女將》,早前與趙慧珊(Aka)合作拍微電影,飾演一對因妒忌而反目成仇的兩姊妹。在現實中,她與家姐余香凝(Jennifer)自小相依為命,更出現情緒問題。

余潔滢自爆求學時出現情緒問題。(蘇震揚攝)

Zoe早前首度參演微電影《最好的禮物》,夥拍同門師姐Super Girls的Aka。憑《美女廚房》走紅的Zoe,近期在電視螢幕多了她的身影。對綜藝節目及電影演出的選擇,直言先自己「真係鍾意演戲」,Zoe表示:「因為由好普通MV(Super Girls《睡衣派對》)開始,去到廣告,客串港台直至演戲,我真係鍾意,真係去學,跟好多不同老師去學戲,好想多啲機會演出,將我學到嘅嘢真係可以放番喺工作上面。」問到會否向姊姊余香凝詢問意見,Zoe話:「我以前去試鏡之前到會問我家姐意見,但依家慢慢會自己去揣摩,自己去試。」

余潔滢(左)與趙慧珊(Aka)合作微電影,Aka指妹妹讚她與Zoe仲似姊妹,證明二人演出很有說服力。(蘇震揚攝)

她慶幸自己在成功獲邀演出ViuTV劇集《男排女將》,又謂真正踏足演藝界工作後,當有少少覺得自己做得不好的地方,開始有一些挫敗感的時間,才會問姊姊的意見:「佢只係話我知叫我熟讀啲劇本或者搵啲嘢去參考,等自己去更加了解自己個角色,先畀意見我。同埋我試過有咩唔得,我先去問,先去針對番個問題,我之後可以去避免。」

余潔瀅首次拍ViuTV劇集《男排女將》,飾演鄧麗欣的助教。(資料圖片)
余潔滢工作遇挫敗,會向姊姊余香凝請教。(蘇震揚攝)

除了演出之外,Zoe亦坦言喜歡唱歌:「要唱到見得人,要用好唱時間同努力先可以,所以我好欣賞Aka,Aka唱現場同錄出嚟係冇分別,因為我覺得唱live好緊張。」而Aka亦謙虛坦言自己是一個學習中的人:「我覺得Zoe係一個好努力嘅女仔,所以一定得。」至於可會希望與家姐一同於銀幕上演出,Zoe表示早前做港台劇做飾演Jennifer的童年:「但會諗同時出現喺一個作品入面就會好似樣好搞笑。」她亦坦言好想有機會以「姊妹檔」合作,但笑謂可能會做番兩姊妹。

余潔瀅希望可以同姊姊余香凝於幕前合作。(余潔瀅 IG 圖片)

講到與家姐Jenifer的姊妹情,Zoe透露就讀中學時期遇上父母離異,兩姊妹只能相依為命:「嗰時媽咪未搵到一個地方畀我哋三母女一齊住,我哋喺爸爸度住。但爸爸返工,好多時我自己一個喺屋企,會覺得好寂寞,因為當時家姐面對緊公開試,成日放學去自修室溫書,所以嗰時情緒差到佢放學番到屋企,放底嘢再出去溫習,佢一離開屋企門口我就喊。」她指自己當時自己一個對住屋企四面牆,因不擅煮食,差不多日日食杯麵好醫肚,約半年時間經常感到不開心:「我嗰時有同朋友傾,但好彩同爸爸關係好,就算唔同佢住,間中都有飲茶食飯。」她指其實好多事開心去到一個好差的情況,只要去面對,搵方法解決, 最後其實都會變得好。

余潔瀅(中)及姊姊余香凝(右)與媽媽同住。(余潔瀅 IG 圖片)
余潔瀅與爸爸關係良好。(余潔瀅 IG 圖片)

Credit:
余潔滢
髮型:Hugo Poon@ii ALCHEMY hair & nail
服裝:b+ab@ithk

趙慧珊
服裝:initial

場地提供:Barry@HeSheEat(巧鬆啲工作室)

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟