張致恒改過自新!妻子雯雯再度懷孕:請大家畀機會佢改過

藝人張致恒「渣男」形象深入民心,而繼與雯雯未婚生仔後,曾揚言要改過自新。現時,老婆雯雯正佗第二胎,日前在社交平台有感而發話孕婦就係特別多諗法,似是為老公護航。IG留言:「世界上每個人都會犯錯,但如果錯完,你唔俾(畀)機會佢去改變,佢呢世只會停留係原點,咁樣對一個人嘅人生唔會太可惜咩?你要去責罵人地(哋)犯嘅錯之前,其實應該去問問自己內心,自己又有冇犯過又或者犯緊錯,每個人都一定犯過錯所以你根本冇資格去給評論或去罵別人更加冇資格去打沉別人,一個人犯左(咗)無論係大或小嘅錯,上天一定會給予懲罰同要承受的,要承受的亦能足夠彌補所犯的錯,所以我們每一個人都冇資格去再加添任何說話,或再去繼續數和記住他人犯過嘅錯,其實咁係冇意義,地球不停轉世界每日係度變,其實冇必要再望返轉頭,不如嘗試去期待一個變好左(咗)嘅人之後會帶來嘅開心事。每一個人內心都係善良,所以我相信無論犯左(咗)咩錯嘅人,都係會變好,俾(畀)機會人等於俾(畀)世界多一個好人。」

(Instagram)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟