Play Boy 難改本性 人妻駱胤鳴話預咗男人會出軌 

台灣藝人羅志祥(小豬)被前度周揚青以千字文爆料,指做出多項「渣男行為」,造成毀滅性分手!而香港歌手駱胤鳴今日(23日)都發千字文,不過似乎只係加把嘴兼「食花生」,大概講女人難改變Play boy,仲話預咗男人會出軌。

整段文字如下:

烙印戀愛教室上線啦。

不要期望可以改變另一半,你只可以改變的是自己!

好多女仔會覺得自己男友本身係play boy,會為咗你從良,修心養性,安份守己乜乜乜,其他人或者會讚嘆下、俾個like,但其實心底裡都準備好爆谷等睇戲咋。如果play boy突然從良,你要明白,從來都唔會只係為咗你。

佢只係喺玩到攰果個時間點,搵到個人休息吓。

佢會唔會永遠收山唔玩?會!一定有呢一日,但你唔會知道呢一日係邊一日。會唔會為咗你收山唔玩?會!浪漫啲嘅講法係為咗你,但其實唔係。一個男人玩夠了、攰了,需要停落嚟嘅時候,你只係剛剛好出現,你俾到一個安樂窩佢,你可以令佢同你一齊就好安心好放心,所以佢先會收山,睇落去好似係「為咗你」,但其實都係各有需求,你咁啱滿足到佢咋。咁樣講好似好灰,乜呢個世界上真係無true love?真愛係咪只係出現喺幻想中?Sis~唔好太灰住,你有能力照顧一個play boy,有能力令佢修心養性為你死心塌地,外人睇落係好讚嘆好感動,係一種希望嚟㗎,你要肯定自己嘅努力、魅力,你真係做得好好!呢種無論外人點講呢個play boy你都不離不棄嘅精精,就係真愛。

然後當有日play boy重出江湖,放心,一定唔係你做得唔好、做得唔夠好,而係佢本性如此。你付出嘅愛無白費,只係對佢期望太高啫。請記住,只有佢可以改變佢自己,你係改變唔到佢,當佢真係變返一個play boy,不妨回想一下,當初被佢追求嘅你難道唔知道佢係play boy咩?佢變好變壞,你喜歡嘅係假象定係真實?

BTW我同另一半係喺飲酒嘅場合認識,我亦知道佢嘅工作應酬會接觸好多女人好多酒精,但只要我哋一齊出去應酬時,佢仲會拖實微醺嘅我,偷偷哋幫我飲曬我杯酒,好似當初咁,就足夠了。

我從來無諗過改變佢,但我樂於改變我自己繼續愛佢。

#但願所有痴心錯付都可以醒覺
#接受不了就離開 #女人何苦為難自己
#愛自己多一點 #你應該為自己感到驕傲
#我已經接受咗男人係會出軌呢個可能性
#唯有做好心理準備 #水來土掩
#繼續努力做好自己
#唔係我哋散 #係見到有人散咗
#打千字文去爆料 #我都忍唔住加把口
#但我真係拎咗啲花生出嚟
#關鍵字太多啦
#多人運動 #旗下藝人 #撩女手機

唉! #貴圈真亂

駱胤鳴(網上圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟