【最好的禮物】趙慧珊余潔滢做「姊妹」互靠感覺入戲

現實生活中,一個是姊姊,一個是妹妹。趙慧珊(Aka)與余潔滢(Zoe)兩個來自不同家庭的姊妹,於微電影中飾演一對不咬弦的「姊妹」。二人首次合作即建立了深厚姊妹情,拍攝時輕易牽動對方情緒,一拍即合,默契十足。

Aka(右)同Zoe首次合作,就培養出一種深厚的姊妹情。(蘇震揚攝)

余潔滢早前與組合Super Girls的趙慧珊於微電影《最好的禮物》中飾演關係不佳的兩姊妹。二人雖然屬同一經理公司,但真正合作卻是第一次。Zoe說:「之前活動可能多啲一齊出現,拍Super Girls《睡衣派對》都係成班人一齊,今次第一次同Aka係咁親密嘅姊妹關係,有種好深嘅姊妹情。」

Aka(左)同Zoe首次合作微電影《最好的禮物》。

Aka於微電影中飾演患有嚴重地中海貧血症的姊姊,Zoe的誤會自己出世是為了救家姐,導致她討厭父母及。二人戲外各自有自己的親妹妹及親姊姊,Aka坦言今次合作視Zoe猶如親妹一樣,拍攝時不需要想像着自己的親妹去投入角色,更透露與導演揀選飾演其妹的人選時,「一眼睇都覺得係Zoe」,又大讚「妹妹」Zoe投入認真,令拍攝過程好順利:「我原本都諗使唔使諗同我妹妹嘅回憶可以投入啲,但原來真係唔使。我憑佢畀我嘅感覺去牽動我,自然用到情緒。」Zoe亦表示與Aka合作,感覺到對方如親家姐一樣,更笑言二人的「姊妹情」都是在對方身上攞,不需要以自己與親姊姊佘香凝的經歷代入劇情。

Aka(左) 最難忘拍攝墳場戲。
冇車牌的Zoe話第一次揸車「騰晒雞」。

Zoe坦言看到劇本時感到有難度,覺得角色很有挑戰性:「我未試過喺一個劇入面有咁嘅情緒起伏。我去試鏡時有一段好長嘅對白,收到劇本時用咗好多時間背同研究點去處理入面啲情緒。」慶幸最終得到演出機會而感到高興。

Zoe覺得角色很有挑戰性,花了好多時間研究處理戲中的情緒。

Aka今次亦獻唱主題曲《到底之後》,歌曲有關人們在低谷時都不會承認,反而會用不同謊言去掩飾,但當自己覺得冇退路才會是最好的出路。講到自己的低谷,Aka說:「我婆婆過咗身時,嗰幾日我發現爸爸有個醫唔到嘅病,之後我嗰段時間又冇咗份工。嗰時諗點解一次過嚟咁多嘢。」最後加入Super Girls,她回想說:「其實都只不過係另一個改變。」

經歷低谷的Aka回想說:「其實都只不過係另一個改變。」(蘇震揚攝)

Credit:

余潔滢
髮型:Hugo Poon@ii ALCHEMY hair & nail
服裝:b+ab@ithk

趙慧珊
服裝:initial

場地提供:Barry@HeSheEat(巧鬆啲工作室)

微電影《最好的禮物》 https://youtu.be/bnj5ju5aKRo
投票網址:https://www.microfilm-music.hk/microfilm/small-production-house/
截止投票日期:2020年4月16日晚上11時59分

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟