【「父女」重逢】鄧月平煲愛心魚湯 鄭丹瑞拍枱嗌正

鄧月平 ( Larine ) 近日為鄭丹瑞(旦哥)的網片擔任嘉賓,兩「父女」難得重逢,Larine即場炮製愛心魚湯孝敬「爹哋」。見Larine刀功好,旦哥透露早年拍處境劇一場廚房戲時,用兩小時才跟廚師學揸刀,可惜一 開拍就切親手,搞到一枱血。

鄧月平為「爹哋」鄭丹瑞的網片擔任嘉賓。

旦哥三年多前在電影《小男人週記3之吾家有喜》與Larine初結片緣,戲中飾演兩父女。時至今日兩人依然感情甚篤。旦哥日前拍攝網片,邀請 Larine 擔任嘉賓。Larine除了特別帶來自製的甜品Tiramisu外,更即時親自下廚炮製名為「雪山飄雪」的愛心魚湯孝敬「爹哋」。

鄧月平切黃魚,旦哥讚她刀功好。

Larine洗切材料期間,旦哥在旁睇住,兩父女一時互窒一時講笑,但非常有默契,最搞笑係Larine問旦哥會否識開生粉水,極少入廚的旦哥即笑罵:「我嚟食㗎咋,我喺坐喺度等食,開咩生粉呀?」但他同時又煲水又開生粉水,聽晒「囡囡」話。

鄧月平請鄭丹瑞幫忙開生粉水。

旦哥又讚Larine刀功好,他憶述以前拍《高朋滿座》時,有日拍廚房戲,在拍前兩小時才跟廚師學揸刀,可惜一roll機就切親手搞到一枱血,他笑說:「我依家都驚呀,所以呢啲粗重嘢,我哋老人家都係唔啱做,搵我呢個女 ( Larine ) 啦。」旦哥更重提當年試鏡揀中Larine拍《小男人3》的趣事,令Larine聽到哈哈笑。

鄧月平煲魚湯。
鄭丹瑞等食。

當日拍攝到尾聲,就由旦哥親嘗Larine的三味黃魚湯,他大讚啱胃口,仲開心滿足到拍枱,Larine說:「旦哥讚我嘅魚湯好飲、甜品好食,我感動到想喊,因為旦哥係一個對嘢食幾有要求嘅人,得到佢認同讚賞係對自己一個肯定,我會煮多啲嘢俾『爹哋』食,因為拍《小男人》時我應承旦哥煮嘢俾佢食,只係嗰時拍攝時間太趕,一直未有機會。」

鄭丹瑞話魚湯正,好味到揼枱。

「雪山飄雪」其實係黃魚湯,魚肉是白色,煲好的魚湯亦是白色,所以Larine起了這個名堂;而這鍋湯的特色是一湯三「味」,除了黃魚湯的味道外,還有加荽茜水以及混合花椒油芝麻油的另外兩種味道,相當有心思,Larine說:「呢個係個幾用心機嘅湯,但都簡單同埋健康得嚟係一個幾清淡嘅食材又營養豐富,好啱旦哥。」

鄧月平親自煲「雪山飄雪」的黃魚湯孝敬鄭丹瑞。

Larine透露旦哥每年都有請飲開年茶,今年因疫症爆發未有相約,到這次才終於聚頭:「我覺得旦哥係我嘅貴人、吉星,因為每次見旦哥前後我都會爆job,同埋見到佢好興奮,開心到失控,佢真係一個好好嘅前輩。」

《小男人週記3》「父女」重逢。
兩「父女」一齊傾偈。
鄧月平帶來親製的Tiramisu。
兩「父女」一齊食Tiramisu。

——————————
【#有禮送】下載 @ 流動新聞 ?手機APP!玩遊戲
?送你《祟光》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟