鄧月平登女廚神寶座 出書做教「煮」

鄧月平 ( Larine ) 於煮食節目憑以自己作為菜式主題,成為節目的首屆女廚神。她透露除會在社交網站分享煮食心得外,亦同出版社傾緊出食譜。

鄧月平奪冠反與三位主持兼評判合照。

ViuTV 煮食綜藝節目《辣伙頭》昨晚進行決賽,晉身三強的鄧月平、陳欣妍 ( Shirley ) 及余逸思 ( Yoshi ) 需要在兩個鐘頭內完成包括頭盤、主菜、甜品的套餐。Larine以頭盤中式煎帶子伴分子大紅袍橙汁、主菜辣味豬腩肉pasta,甜品則為芝士伯爵菜蛋糕配四川幸運曲奇成為冠軍菜,相當創新。

鄧月平炮製頭盤 — 中式煎帶子伴分子大紅袍橙汁。
頭盤 — 中式煎帶子伴分子大紅袍橙汁
鄧月平炮製辣味豬腩肉Pasta。
主菜 — 辣味豬腩肉 pasta
鄧月平將甜品「芝士伯爵菜蛋糕配四川幸運曲」給三位評判試食。
甜品 — 芝士伯爵菜蛋糕配四川幸運曲奇

原來Larine是以自己作為菜式主題,她說:「因為我喺比賽入面曾經迷失過,但我撐落去,而今次嘅主題係我,第一道餸係我俾人嘅感覺,第一啖食落去冰冰涼涼,我第一個俾人嘅感覺會係咁,但認識我嘅人係發現我熱情如火,所以我整咗個辣嘅意大利飯,到最後其實我都有sweet一面。由於一開始我用咗茶,就特登喺蛋糕裏面加咗大紅袍茶同埋伯爵茶去呼應番頭尾。」結果Larine以大熱姿態成為首屆女廚神,壓倒二人贏得冠軍,當場開心到跳起,更攬住蘇菲和郭奕芯等激動落淚。

鄧月平等候宣布賽果。
勝出的鄧月平開心到跳起。
鄧月平得獎後與蘇菲及郭奕芯相擁而哭。

不過比賽途中,主持兼評判陶大宇指Larine的豬皮唔夠脆,Larine聞後即臉露失望,她事後說:「宣布賽果前好緊張,評判對我哋三個都有讚有彈,我聽完個彈之後,覺得摧毀咗我成個人,當下就跌咗落地獄,到之後宣布冠軍嗰陣,又由地獄上番地面,嗰吓感覺都有啲空白。」

鄧月平從陶大宇手上領取廚神獎項及廚師袍。

Larine連過 15 關打贏 7 個對手才登上冠軍寶座,這條路其實很難行,她表示得到呢個獎要多謝主持楊尚友:「我記得佢喺比賽第五、六集嗰時同我講,睇好我係冠軍,我知道佢喺法國學廚多年,得到呢位大師級認同係好開心,亦都好沉重。入行以嚟,我係我為喜歡我嘅人、睇好我嘅人爭一口氣作為我其中一個動力,經歷完意外小插曲,令我學到更多,同埋理性去做每一件事情,組織力更強,信心更多;而拍攝期間,密密麻麻嘅拍攝期,每日拍十幾廿個鐘,其實台前幕後都好攰,雖然冠軍只有一個,但我覺得呢個榮耀係屬於他們我們你們。」她續指這個獎得來不易,以後會更加謙虛努力應付每一個工作。

參加《辣伙頭》後,很多朋友及粉絲都問 Larine拎食譜,希望她開 YouTube Channel 教煮嘢食,Larine亦決定開 YouTube Channel 繼續分享其煮食心得,她說:「同埋我都同出版社傾緊出食譜,希望一次過滿足晒兩個願望,又滿足到大家嘅願望啦,最近亦都有牌子想同我一齊研究醬汁,我覺得呢個都係喺我未做到所有嘢之前,可以畀大家快啲試到平平嘅手勢嘅方法。」

——————————
【#有禮送】下載 @ 流動新聞 ?手機APP!玩遊戲
?送你《祟光》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟