【男排女將】鄧麗欣「避炎」Cut吻戲 爭議Post事件望大家體諒

鄧麗欣Stephy)昨日(26日)與顧定軒於天水圍為ViuTV新劇《男排女將》開工,Stephy表示已有一段時間未有拍攝港劇,今次是一個全新體驗:「好耐未試過拍一套戲拍咁耐,通常喺香港拍電影最多都係一個月就完成;我入行第一年拍過電視劇,之後咁多年都冇喺香港拍過,一開始唔係好習慣,但係拍咗咁耐之後,慢慢同劇組、演員增進感情,大家好似一家人咁,我見佢哋仲多過見我媽咪,感覺好親切。」

提到最近疫情爆發,Stephy直言拍攝進度有因此而受影響,因為很多拍攝場地如室內運動場、公共地方都要暫停拍攝,而拍攝中亦不能戴口罩:「原本我同阿Sam(陳宇琛)有場比較親密嘅戲,本身係要kiss嘅,雖然只係蜻蜓點水咁錫,但係大家喺互相尊重嘅情況下商議過,決定借位拍攝。」

講到日前學校場景煞科後,Stephy在社交平台發帖惹爭議,她坦言:「呢個誤會真係大得嚴重,我自己都寫咗一篇文章去解釋。因為我寫即時動態,喺文字上冇咁複雜,用咗單句子表達。因為戲入面我嘅球隊力圖,喺嗰個場地奮鬥同成長,我哋對呢個地方好有感情,當日亦都係拍攝第五十日,完成之後大家都好開心去慶祝,所以我就講咗幾句說話形容當下心情,我都覺得要同大家解釋返,希望大家明白,唔好太多聯想。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟