【向西聞記】鄧健泓撞爆玻璃險受傷 籲政府翻新渠道

ViuTV播放中的《向西聞記》壓軸單元《碌架床》由鄧健泓 ( Patrick ) 和太太石詠莉 ( Sukie ) 、林雪、王宗堯 (Greg) 及蔡明思 ( Jessica ) 飾演一家人,其中一幕講述眾人在屋企食晚飯時,他和「細佬」 Greg 因為爭房問題嗌大交,Greg 寸「大嫂」Sukie 年紀大仲想生仔,Patrick 即刻火都嚟,爆粗兼掟筷子衝入房大力閂門,豈料不慎令掛在門後的玻璃鏡跌落,玻璃碎撒滿地上。

單位內洗手間

突然有意外,好彩「老豆」林雪即時執生,補多句:「你哋唔俾家用就算啦,仲要打 x 爛我啲嘢!」而 Sukie亦補上一句:「老公,有冇割到腳呀?你出嚟先啦!」令這一幕變得自然。Patrick直言好在在舞台劇時學會帶戲走:「之前係 plan 好喺嘭埋道門之後好嬲咁坐喺床度,咁就完成個演繹。如果我冇呢個完整嘅諗法,企喺度嘭埋道門嘅話,我成個背脊應該花晒同埋插晒玻璃。」

另外,《碌架床》的拍攝地剛好是近期爆發武漢肺炎的青衣長康邨康美樓,Patrick知道後表示:「我記得嗰次喺屋邨拍攝,都有去到單位嘅洗手間,見啲渠係喺洗手間裏面,而且有啲殘舊,當然希望衛生署又好房屋署又好屋宇署又好,可以改善吓渠道翻新吓,好好保障邨民嘅衛生安全。」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟