洪永城公開「玄彬」真面目 翠如鬧衰格

孫藝珍同玄彬主演的韓劇《愛的迫降》於韓國收視不俗,二人的浪漫感情線成為熱話,相信不少「玄太」都中晒「劇毒」。不過,洪永城(Tony)就撕破「玄彬」真面目,結果被一班圈中好友留言大鬧,好友黃翠如仲鬧佢衰格。

韓劇《愛的迫降》劇照

韓劇《愛的迫降》早前於韓國熱播,結局更錄得24.1%。劇中飾演北韓軍官的玄彬吸引一眾「玄太」追睇劇集。但2015年曾到北韓拍攝無綫旅遊節目《在那遙遠的地方 北韓》的Tony就上載當時與北韓軍官的合照,仲抵死話:「毒,我就無中,不過的確開始睇咗幾集《愛的迫降》,我知你知北韓嘅玄彬應該係咁嘅樣,因為我接觸過。而且如果要睇南北韓邊界嘅故仔,我推薦可以睇《JSA安全地帶》,故事寫實、透過一件又一件細微嘅事,去描述相隔一條警戒線天與地嘅分別,而個故事仲可以做到係推理,抵佢咁好睇。」

洪永城就撕破「玄彬」真面目。(洪永城IG圖片)

好友黃翠如留言話:「U r super bad(你真係超級衰格)」李綺雯搞笑話:「我知啦,你一定搵個最唔靚仔嘅影,然後襯出你自己靚仔呀嘛,一定係咁。」洪永城就回覆話:「佢已經係最後生㗎啦!」而區永權話:「你好有可能,將會成為一眾玄彬太太嘅敵人!」

玄彬與孫藝珍合作的《愛的逼降》收視不俗。

——————————
【#有禮送】下載 @ 流動新聞 ?手機APP!玩遊戲
?送你《祟光》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟