【Zoom教學】中文系學生潮文非盡訴窮 狠批系主任沒出息

網上教學之後,潮文創作不絕,而中大中文系學生就發表了故事。「由於屋企實在係太多人、太嘈,而我今日又有堂導修堂要開mic上,所以我決定落屋企樓下個公園度上堂。我一路攞住部notebook上zoom聽助教講書,一路攞住本《唐宋詩舉要》喺度研究隔離組嘅導修報告。咁我見附近一個人都無,所以就除低口罩,吸收下新鮮空氣。加上我又攞住好多嘢-又notebook、又參考書、又筆,好唔方便,所以我直頭無插耳機,開大個喇叭聽書。

「上到一半,助教問咗條問題,佢話:『大家睇下呢句嘅平仄-係平平仄平仄。結合老師喺大課所教,呢句應該係犯咗孤平,但係點解詩人會寫落去呢?』

「正當我百思不得其解,諗到頭都爆嗰陣,突然有乞衣行過嚟坐咗喺我身邊。我見佢頭髮蓬鬆、形容枯槁、面目憔悴咁,又慘到連口罩都無個,就諗住求其比兩個口罩佢,打發佢走就算。

「於是佢伸出雙手,收咗我兩個kf94,面上露出久旱逢甘露嘅笑容。正當我以為佢要走嗰陣,個乞衣緩緩咁指著我本《唐宋詩舉要》,講咗一句:『呢度係拗救,三拗四救,係無問題架。』

「由於我無mute到mic,所以全班都聽到呢個乞衣講嘅嘢。呢個時候,助教大聲咁講:『答得好!鄧思穎同學果然有比心機上堂。』但係由於個乞衣靠得太埋,唔小心入咗鏡,所以全班都見到佢個樣。正當我感概宜家啲乞衣都咁有文化嘅時候,助教好驚訝咁講:『咦?師兄,你喺度做咩啊?』」

網民認為:「唔係乞衣有文化,係文化人要做乞衣」。中文系學生卻認為,文章作者倒不是因為文人不值錢而憤恨。而是中文系學生看了會笑,是因為文中的鄧思穎同學是系主任,將中文系學位名額每年賤賣5個給北大。「又唔見作者拿其他教授戲謔?」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟