鄧月平炮製洋蔥湯奪冠 陶大宇即場拎食譜

鄧月平(Larine)於煮食節目炮製洋蔥湯配松露油炒麵包粒,嘉賓盧覓雪大讚「好好食」,主持兼評判陶大宇更即場問她拎食譜。最終她成功擊敗一眾對手奪冠。

鄧月平參加ViuTV的煮食綜藝節目《辣伙頭》愈戰愈勇。

Larine她參加ViuTV的煮食綜藝節目《辣伙頭》,瞬間已去到中段。昨晚播出的一集要以黑糖麵包做菜式,除了原有的三位主持兼評判陶大宇、郭政鴻及楊尚友外,更請來盧覓雪擔任特別嘉賓。她於節目中製作法式傳統洋蔥湯配松露油炒麵包粒盧覓雪稱讚Larine的菜式:「好好食,相得益彰,好滿意係呢個效果。」大宇更說:「我希望你將呢個配方交俾我,我可以帶返去同屋企人分享。」

盧覓雪(左)擔任特別嘉賓。

最後Larine贏得冠軍,她指對陶大宇問她拎食譜感到很驚訝:「我即場寫咗食譜畀佢,希望佢返到屋企真係有煮呢個湯啦!」她又指嘉賓盧覓雪是「咀刁」,直言能夠煮嘢食令對方滿意都係她的目標之一。

鄧月平奪得冠軍後與郭奕芯擁抱。
陶大宇即場問鄧月平拎食譜。

提到贏出比賽後喊晒,Larine說:「我覺得每一集都難,不過第一、二集精神啲,到第三、四集已經攰,半個鐘嘅節目其實係拍成十幾個鐘趕製出嚟,到後尾時間唔夠但又要日日拍,唔夠瞓,壓力真係好大,後來有啲女仔同我已經住喺ViuTV隔離間酒店等番工,放工就直接瞓。噚晚嗰集贏咗有啲喊喊哋,係因為努力咗好多集,到今集終於有得攞章,離決賽又邁進一步,係有壓力同有動力,係特別大感觸。」她該集與郭奕芯一齊進入四強,Larine說:「我想佢贏,我自己都想贏,所以攬嗰吓都感觸咗。」

鄧月平炮製的洋蔥湯配松露油炒麵包粒。

——————————
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟