羅力威雨僑宣布有喜 大讚老公肯學煮飯

適逢情人節,娛樂圈有兩對夫婦都宣布好消息,羅力威雨僑(Ava)及陳山聰不約而同地在今日宣布有喜!雨僑在社交平台分享到:「祝各位情人節快樂!兒女是耶和華所賜的產業;所懷的胎是祂所給的賞賜。(詩127: 3) 感謝主賜給我們這個寶貴的小生命,不知道你會比較像爸爸還是媽媽呢?」並貼上兩人兒時的照片。

羅力威雨僑宣布有喜

Ava現已懷孕三個月,她表示只有輕微的不適和口味上的變化:「頭三個月都會有少少唔舒服,突然間喺 salon 洗完頭起身好暈,嚇死我….以為咩事,不過唔嚴重,我知道冇嘔都唔算咩辛苦,食嘢就麻煩少少,日日唔同口味,但主要都係酸嘢就開心啲。」

雨僑在FB報喜

羅力威就超級緊張,除了開工之外都在家中陪住老婆,Ava 說:「呢段時間都無乜出過街,依家更加少,都係檢查先出去診所,口罩眼鏡洗手都基本,老公會戴手套負責撳開門等等;同之前最大分別係我老公依家煮飯,佢真係完全唔識嘅,我啲師奶教人煮飯係斷估㗎嘛,啲份量、次序講到唔清唔楚,結果都係自己受番,不過佢好努力,進步咗好多,依家都唔差。」

唔知BB似爸爸定媽媽呢?

講到年初起武漢肺炎肆虐香港,Ava 直言:「其實呢大半年唔止對懷孕嚟講係挑戰,香港人要好好生活本身就係一個挑戰,加上疫情,係會多少少擔心,但係做媽媽嘅幾時都擔心㗎啦,經歷咁多再迎接小生命,除咗好想俾佢一個快樂嘅童年,我更加懂得將來要教佢做一個正直、善良、堅強嘅人。」

分享: