【黃金有罪】張兆輝對文件爆喊 姚子羚大讚喊功驚人

無綫劇集《黃金有罪》即將迎來大結局,其中張兆輝輝哥有一場激動喊戲吸睛指數爆燈,在姚子羚被車撞後,輝哥收到對方寄給他的文件,令他悲從中來,失去方知自己最愛「水敏晶」,連場爆喊。

對於《黃金有罪》輝哥有不少爆喊鏡頭,他直言:「絕對戲味十足,好多時喊戲得自己一個,即將嗰幕講我收到子羚寄給我的文件,跟住我好自責,之後就要喊,拍嘅時候就只係對住一個公文袋。」雖然拍攝前輝哥很用心的設計好場戲,可惜當日出現了一些人為錯誤,令之前他覺得完美的那一take沒有了,輝哥直覺得很無奈。講到除了喊戲,輝哥亦有跟子羚演親熱戲,問到兩者哪一類較難演?輝哥直言難度不相伯仲:「其實喊同親熱戲都好需要講感覺,可能因為同子羚都好信任,所以拍攝前不用講太多、一陣個位點就點就,令出來效果好自然。」

《黃金有罪》中,輝哥喊戲不斷。

問到《黃金有罪》眾多經典場面中,問輝哥最深印象會是哪一個?輝哥想了一想說:「收到信講阿爸已死咗嗰幕!因為原本收到阿爸寄來嘅信係好開心,但原來講佢自殺死咗,由冇情緒去到有情緒一take過。」

可以和老戲骨交手,子羚直言很佩服輝哥喊功驚人:「喺泰國拍攝嗰場輝哥喊戲,其實嗰日我好緊張,因為知道輝哥呢場戲好重要,當時剛開拍,同輝哥未太熟絡、未warm up,我在旁邊驚NG會影響咗輝哥,好彩拍攝得好順利。」劇集即將結局,姚子羚指最難忘是跟輝哥分手的場面:「分手嗰幕好難忘,情緒起伏好大,其實我係好鍾意『榮木桐』,奈何佢未婚妻回來,我哋要分手,我仲要講好多反話,不段祝福佢,將痛苦放喺心。」

子羚直言很佩服輝哥喊功驚人。
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟