鄧月平炮製梳乎厘班戥 陶大宇大讚

鄧月平(Larine)於煮食比賽節目一直保持水準,於昨晚一集更炮製梳乎厘班戥,獲主持兼評判之一的陶大宇大讚。她指同場其她參賽者各有所長,相信比賽會更加激烈。

鄧月平炮製梳乎厘班戥有板有眼。

ViuTV煮食節目《辣伙頭》參賽者之一的Larine先後煮過辣子雞、手撕雞三味及梳乎厘班戥,三次表現都成績不錯,雖然在以雞為主題的第二集中,Larine頭輪切雞時失手,不慎丟掉雞柳,但其後她以雞殼僅餘的肉,自創菜式「三國演義」,即分別有川、日、泰三種風味的手撕雞,結果成為該集冠軍。

鄧月平於煮食節目《辣伙頭》第一集整辣子雞。

主持兼評判之一的陶大宇每集都讚Larine。昨晚第三集節目以雞蛋為主食材,Larine炮製的梳乎厘班戥配焦糖醬及雜莓忌廉芝士醬,大宇就指她整的梳乎厘班戥「食到空氣感覺外,帶出嘅蛋味亦都非常好」。

鄧月平炮製的梳乎厘班戥獲陶大宇(左二)大讚「食到空氣感覺外,帶出嘅蛋味亦都非常好」。

不過另一位參賽者郭奕芯(Ashina)的菜式「蘇格蘭蛋」就因為煮不熟豬肉而出事,Larine在節目尾聲中直言擔心對方被淘汰:「我有講過唔想 Ashina 走,因為佢係識煮嘢食,我同佢識咗咁多年,知佢廚藝有番咁上下,呢集佢出現嘅意外就係豬肉唔熟,我覺得人生中梗係會有意外,然後人哋會攞住個意外去否定你,我好明白佢心情,而喺比賽中係唔知幾時會淘汰人,所以我好驚噚晚嗰集佢會被淘汰。」Larine在頭三集都能保持水準,但其他參賽者亦各有所長,她表示:「每一位參賽者都有我冇嘅嘢,佢哋每一位都好值得我學習。」Larine指嚟緊嘅比賽會更加激烈,更加刺激同埋多挑戰。

——————————
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

 

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟