林二汶岑寧兒台灣開騷 默契爆登好安心

林二汶與岑寧兒(Yoyo)在台灣舉行《二寧二寧 寧二寧二音樂會》,兩人未開騷前已份屬好友,所以有高度默契,兩人特別構思了全程同台的歌單,合唱作品更佔大多數。Yoyo表示:「我哋想個show由頭到尾兩個人都在台上,合唱歌甚至多過solo嘅歌,而即使獨唱時,二汶都可以喺台上搖shaker打節奏,或者我幫佢唱和音,做出一個兩個人好融洽嘅表演。」

林二汶與岑寧兒(右)份屬好友,故非常有默契。

而今次的音樂會更動用了Yoyo的台灣御用樂隊,二汶表示:「上次喺香港睇Yoyo嘅show已經好鍾意佢隊band,今次真係可以同呢班音樂人合作,我又學咗嘢,而佢哋嘅音樂真係做得好好,所以今次特別開心。」

林二汶獻唱多首歌曲。

提到與好友攜手表出,Yoyo表示感到非常安心,最初擔心二汶用國語表演會很陌生,不過二汶的表現比預期更好:「但結果唔會囉,同平時都差唔多咁自然,加上二汶講嘢好叻,我就算由頭到尾唔使講嘢,佢都會諗晒成個show歌與歌之間要講乜嘢,佢又好識handle一個show嘅flow同氣氛,所以好安心。」二汶就話二人非常有默契:「因為我哋太好朋友,就算連傾偈都可以有好多火花,我同佢可以無所不談,音樂上,只要大家講上半句,對方都會知下半句想講乜,呢種默契同友誼真係唔多。」

音樂會動用了岑寧兒(左四)的台灣御用樂隊,林二汶(右四)表示好鍾意。

——————————
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

 

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟