鄧月平自小入廚煮餸 家人望成賢淑人妻

鄧月平(Larine)於ViuTV煮食綜藝節目首集表現已相當驚喜,她解釋自小已跟家人入廚煮餸,希望她將來成為一個賢淑的人妻。此外,她又於節目中除為其他參賽者拎走着火的煲外,更因幫助切帶子而切傷手。

鄧月平煮餸有一手。

ViuTV煮食綜藝節目《辣伙頭》明日(10日)首播,Larine於首集表現已相當驚艷。原來她於六歲時已開始炒菜煮飯,所有家頭細務都識處理,這都源自家人教導,獲得鄧媽媽真傳,Larine說:「我諗大家唔會覺得我識煮嘢食,其實我六歲開始,媽咪已經叫我入廚房幫手,切吓餸煮吓嘢食,因為屋企人覺得小朋友獨立係由細培養,所以屋企嘅家務同瑣碎事好似縫紉、簡單木工,爸爸媽媽、外公外婆都有教我做,佢哋覺得我將來作為一個賢淑嘅太太,係必須要識嘅。」

鄧月平參與ViuTV煮食綜藝節目《辣伙頭》。

Larine於節目中展示廚藝初時沒甚麼準備,依照平日的烹調水準參賽,豈料比賽的測試愈來愈難:「要煮一啲從未食過都唔知咩味嘅嘢、煮一啲從未煮過嘅嘢,咁我就事先喺屋企搵啲食譜搵啲靈感試煮,真係唔得嘅話就去問吓朋友偷吓師。」她續指現時網上好多食譜、製作方法、調味配方好齊全,跟住整都會有不錯的效果。

(左起)鄧月平、陳海寧、蘇菲、洛兒、陳欣妍合作ViuTV綜藝節目《辣伙頭》。

參賽者之一的洛兒首集煮到失火,Larine竟然不怕熱又不怕火,一手幫對方拎開着晒火的煲,在旁工作人員卻嚇到碌大眼,Larine說:「當時洛兒切緊嘢冇顧到個煲,咁啱我同佢同一張枱,我喺隔離見到佢冇反應,情急之下伸手幫佢攞開隻煲,希望令到個煲離開熱力,唔好個火愈燒愈大,然後Christian(主持楊尚友)用煲蓋整熄個火,最後都安全,拍攝都冇出咩意外。」

Larine又幫另一位參賽者切帶子,結果左手手掌中刀收場,她說:「我幫佢開帶子時太急啦,成把刀隊咗落手,當下我見有啲血飛出嚟,就即刻用紙巾包住隻手,然後不斷換紙巾,因為傷口都幾深,到煮完係成個比賽冇人發現我受咗傷,我係隱藏得非常好。」

鄧月平幫另一位參賽者切帶子,結果奴受傷收場。

——————————
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享: