余香凝親自作曲鼓勵人 下次自導自演要拍「動作戲」

余香凝(Jennifer)最近推出新歌《無得比》,再次踏足音樂圈的Jennifer表示希望新歌可以鼓勵大家欣賞自己,而是次新歌更是由Jennifer親自作曲:「《無得比》主要係講『比較』嘅心理,記得小學時,有個同學彈琴好叻、讀書又好,媽咪經常同我講『你學吓人啦,點解你咁差㗎?』當時成日覺得自己好無用。最近媽咪撞返呢位舊同學,原來過咗咁多年,我仍然耿耿於懷,暗地裡想同對方比較,睇吓邊個成功啲,我先發現呢個心態好恐怖,所以要用呢首歌提醒自己,唔好成日同人比較,要相信每一個人都係獨特嘅,希望透過呢首歌,鼓勵大家多啲欣賞同愛惜自己,相信自己係最完美。」

Jennifer今次拍MV專心夾band唱歌。

除了歌曲包含自己的故事,Jennifer對於MV亦出心出力,雖然沒有親身上陣,但就落足力指導小演員:「第一次冇參與演戲嘅部分,放手交畀其他演員去做,同公司嘅方珈悠(Jamie)都有參與拍攝,好多謝大家仗義幫忙!不過因為緊張個效果,所以一早就嚟睇佢哋拍攝,當中有個小朋友可能太攰,中途扭計跑走咗,我突然有啲『導演上身』嘅感覺,一路喺鏡頭外教佢點做,呢個經驗幾特別,以後有機會都想執導自己MV,不過自知鏡頭處理方面唔係咁叻,所以希望可以合導。」

余香凝(Jennifer)不時在場外指導童星做戲

提到下次再MV如果可以自導自演會否自肥安排型男做對手戲?她笑言一定要做「動作戲」:「如果真係有個男主角,我唔想做啲好sweet嘅嘢,反而希望可以同佢嗌交,甚至拍打架嘅戲,咁樣拍出嚟我反而興奮啲。」談到即將來到的情人節要怎樣過?Jennifer表示已做慣電燈膽:「我啲朋友好好,會叫我一齊過節,所以我大時大節,都會黐住情侶同夫婦食飯,哈哈!好似啱啱嘅平安夜同聖誕節,我就連續兩日去做電燈膽,名符其實係聖誕燈飾。」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟