【武漢肺炎】江嘉敏零意識翻用口罩 陳曉華鬧爆不衛生

武漢肺炎疫情嚴峻,全城防疫撲口罩,無綫小花江嘉敏竟然「翻用」口罩全無防疫意識!幸好有當過護士的港姐陳曉華出言提點,原來江嘉敏還要跟何廣沛拍強吻戲,注意衛生好重要!

(網上圖片)

無綫藝人陳曉華、江嘉敏日前為無綫新劇《食腦喪B》於北角海旁拍攝外景,由於天氣寒冷,海邊相當大風,短裙打扮的陳曉華只穿上背心打底,凍到入骨,至於穿皮褸型爆的江嘉敏,則着了絲襪打底頂住。目前疫情日益嚴重,問到她們可有做足預防措施?曾當護士的港姐冠軍陳曉華即專家上身,表示之前鬧爆江嘉敏:「我啱啱先鬧完佢,用完嘅口罩放喺袋轉頭又再用過,自己做過護士,真係接受唔到,所以依家隨身都會帶住幾個口罩,雖然依家啲口罩好難買,都隨時畀個新嘅佢替換。」江嘉敏笑言與陳曉華合作過後,衞生意識加強不少:「畀佢鬧得多,依家仲敢咩?用過嘅口罩都會即刻掉。」由於劇情中有江嘉敏被何廣沛強吻,她坦白說:「希望遲啲先拍,呢排啲菌好犀利。」

分享: