代蓮曦丹美首次行花市狂被人踩

代蓮曦丹美 ( Daisy ) 到花墟揀年花,雖然着錯衫同鞋,仲搞到又熱又畀人踩,不過首次行花市的Daisy就覺的好有新年氣氛。

代蓮曦丹美到花墟揀年花。

今日大年初一,很多藝人都會買桃花,因為桃花除可以旺姻緣、亦可以旺人緣。曾參選港姐的代蓮曦丹美於日前到太子行花市,想買棵小桃花放置家中助陣。

代蓮曦丹美首次行花市,覺得好有新年氣氛。

第一次行花市的Daisy感覺非常熱鬧,又多花店又多花種,但因現場人山人海,加上當日天氣太和暖,令穿了毛毛厚外衣的Daisy熱到爆晒汗,最搞笑係腳踏露趾涼鞋,在人叢中迫迫吓都難免被人踩幾腳,她笑說:「我係成件事錯晒,又着錯衫又着錯鞋,被人踩到腳趾都瘀埋,但真係好熱鬧,嚟買花係好開心同好有過年氣氛。」

代蓮曦丹美着趾涼鞋行花市,難免被人踩幾腳。

踏入鼠年,Daisy希望工作順利,身體健康,她表示:「我好想有桃花運,但唔係想拍拖,單身可以專心工作,呢行好講觀眾緣,希望呢年有更多作品,有更多人認識自己就已經好好啦。」

代蓮曦丹美着厚外衣揀年花,搞到熱到爆汗。

——————————
【#有禮送】下載 @ 流動新聞 📱手機APP!玩遊戲
💌送你  現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享: