【賀歲片】麥玲玲林盛斌合唱《好好戀愛》 手放心口師傅話冇抽水!

麥玲玲與林盛斌(阿Bob)為宣傳賀歲片《我的筍盤男友》出演 TVB的《流行經典50年》,兩位少有地合唱《好好戀愛》,阿Bob笑言:「要多謝導演嘅好建議,我同玲玲姐都唔係專業歌手,只係為咗宣傳《我的筍盤男友》先會盡最大能力希望幫到手,無論評語係好定壞,我都好多謝所有網友嘅關注,好多人話我哋唱得好認真,係因為我哋對依件事非常尊重!」阿Bob又講到演出前不停在家中反複練習,練到幾個囡囡「投訴」:「爸爸,唔好再唱,已經好好聽喇!」

阿Bob造型一睇即笑。

兩人又提到本來為了演出構思了幾個動作,包括頭貼頭、面對面、男方從背後抱住女方,結果錄影時過份緊張,又怕會忘詞,結果只剩下阿Bob將手放在玲玲姐心口的一個ending動作:「依個動作有寓意,係講一對已分手嘅情侶,最後又走在一起!當拍嗰日在錄咗好幾次,唔好意思,阻人收工。」

玲玲姐飾演家樂的下屬。
阿Bob同郭奕芯搞笑談情。

玲玲師傅就話,拍攝時阿Bob非常用力捉住自己,其實是因為太緊張,滿手手汗:「阿Bob高音、我低音,難得搵到一個key,Christine老師教得好好,花6000蚊學唱歌都係值得!」問到阿Bob手放心口,會不會有抽水的感覺,她則笑言:「我本身反對㗎,我話:『你當係阿嬸呀!』但其實阿Bob只係將手放喺我頸對落少少,未到心口位置,所以唔覺佢抽水,大大個Bob嫂在場,佢敢咩?!」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟