荃灣開運椅號稱「黃大仙開光、釋迦牟尼加持」10蚊坐一分鐘網民話要實測威力

踏入2020年,香港運勢繼續係麻麻地,近日仲受到武漢新型肺炎的威脅。農曆新年將至,可能不少市民會入廟拜拜神轉轉運,近日荃灣就出現開運「神凳」,聲稱「釋迦牟尼加持」,畀10蚊坐1分鐘即可開運,引起一眾網民熱議。

早前有網民在fb群組分享相片,指於荃灣一商場發現一張開運椅,一張平平無奇的普通白色膠椅,椅背的位置貼有寫着「黃大仙開光、釋迦牟尼加持」的紙張,更聲稱「坐下有助提升運氣」,不過每分鐘收費10蚊。聽起來張「開運椅」非常厲害,但係咪真有其效就不得而知,樓主亦不禁笑稱:「試吓無妨?」

相關貼文吸引不少巴打絲打回應,有網民笑稱開運椅被「道教開完光再俾佛教加持」,法力一定「有返咁上下」,亦有人問「試過會唔會返唔到轉頭?」、「坐爛咗點計數」。

另外,亦有網民認真分析物主放出開運椅的真正原因,包括「覺得佢純粹唔想啲人亂咁坐」、「印張咁嘅紙就可以創業?」等。雖然唔知開運椅係咪真係有效,但令到不少網民會心一笑,咁都算「功德無量」了。

開運椅與一般膠凳一樣。(fb圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟