麻辣火鍋當早餐 鄧月平兩個月極速增40磅

鄧月平(Larine)為新片角色極速增肥40磅,除了拍攝期間要瘋狂食足六至七餐,包括麻辣火鍋當早餐。而拍畢後仲荷爾蒙失調,用了很多時間調理身體,真係有苦自己知。

鄧月平新片中的跛腳肥妹造型。

現年22歲的Larine早前拍攝陳果的電影作品《墮胎師》,在戲中飾演壞腦肥妹,四處呃呃騙騙。導演陳果特別要求她增磅、帶眼鏡、拎柺杖來配合角色,並以肥妹學生妹造型影海報。

鄧月平從未試過肥美的學生妹造型。

她於兩個月內極速增肥,包括瘋狂食唔停,食物唔肥不放入口,一日六至七餐是必需的。而睡前的消夜有雪糕及其他垃圾食物,早餐更豐富,一瞓醒可以係麻辣火鍋,餘下食材做炒飯,留番午餐繼續食。結果由101磅谷肥至143磅,對她來說確是極大挑戰。

鄧月平最肥的時候超過140磅,腩同腿真係慘不忍睹。

着唔落衫要再買

一個月後已經明顯感受肥胖來襲,Larine說:「身形係同之前有唔同,開始有好多唔方便嘅時候,衫真係着唔落,都要買過晒。我記得拍嘅時候係夏天,我哋去咗一啲幾熱嘅地方取景,但我要keep住食唔好俾磅數跌得太快,因為我係一拍戲就會瘦嘅體質,由於我嘅角色係個肥、智商有啲問題嘅女仔,唔可以瘦,加埋天氣又熱又侷又食唔落嘢,但又要夾硬食晒啲飯盒,全日盡量食,其實幾辛苦。」

鄧月平勁肥40磅真係犧牲大。

Larine肥肥瘦瘦的辛酸亦不足為外人道,她表示:「喺成個增肥過程中,我媽咪見到我肥到咁係有喊過,通常媽咪都係叫仔女食多啲嘢,但拍完套戲後,媽咪唔俾我食嘢,話你真係唔好再食、你真係好肥,初頭我持住自己青春冇嘢驚,但之後開始荷爾蒙失調,結果仲用咗好多時間調理身體。」

鄧月平於《墮胎師》中飾演壞腦肥妹。

雖然犧牲甚大,但Larine還是很喜歡這個肥妹仔角色,又指影后曾美慧孜講過戲比天大,她說:「覺得終於有個脫胎換骨的鄧月平俾大家見到。」她透露當時增肥好低調好保密,令師很多朋友以為她要退出娛樂圈,仲問她為何自暴自棄搞到這麼肥。

鄧月平狂做運動,終於回復靚靚身形。
鄧月平經過艱辛努力才踢走肥肉。

——————————
【#有禮送】下載 @ 流動新聞 📱手機APP!玩遊戲
💌送你  現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享: