【韓國女神】全智賢結婚生仔愈戰愈勇 成億萬富婆

韓國長腿女神全智賢,由出道紅到結婚再生埋仔,伊人不單止凍齢樣靚身材正,就連賺錢能力都未試過出現淡市。以為佢嫁了個有錢人做埋阿媽會收山?點知愈戰愈勇,今年38歲的全智賢,前年追多個仔之後,今年又復出拍攝Netflix原創電視劇《李屍朝鮮》(Kingdom)的第二季新劇。她除了拍劇,更加密密接廣告,剛剛她又為一個啤酒品牌拍攝新一輯廣告,而且在廣告中,全智賢以高衩貼身裙繼續大晒長腿及弗爆身材。以為女神咁就滿足?據韓媒報道,全智賢三年前購入三成洞的商用物業,估計她所持的物業已升值至100億韓圜(約6,750萬港元),連同她多年來的投資,她肯定已晉身億萬富婆之列。

IG圖片
分享: