麥家瑜IG宣布離巢環球:繼續裝備好自己,喺唔同嘅崗位上繼續努力!

前歌手麥家瑜(Keeva)2008年出道,日前突然在IG上宣布正式離開環球唱片,離開工作長達12年的環球。Keeva寫道:「環球係我入行嘅第一間公司,咁多年嚟一直睇住我大,今日我想好好同公司上上下下講聲感謝同再見。感謝公司,感激老闆Duncan 同我多位經理人咁用心栽培我,又畀咗好多機會我,感激為我付出過嘅同事,難忘同你地一齊奮鬥過,努力過,緊張過,笑過同喊過嘅日子!有幸喺呢個大家庭成長同學習,我深深感受到大家對我嘅愛惜同關心。我相信無論幾多年後,我都唔會忘記呢段美好嘅時光,因為無你地就無今日嘅麥家瑜。喺度我祝願公司業務越做越大,各同事工作順利!未來嘅日子,我會繼續裝備好自己,喺唔同嘅崗位上繼續努力,請大家多多指教。」

(Instagram)
分享: