田蕊妮宣布離巢:想畀啲衝擊自己

田蕊妮現身拍攝新春節目,提到缺席TVB台慶惹來離巢疑雲,田蕊妮直認已決定離開TVB:「近半年大家都知我成為咗一個旅行家,好似瞬間看地球一樣。不過我係即將離開TVB,但唔係因呢個問題唔出席頒獎禮,係因為我唔喺香港。」問到幾時完約,她表示距離合約期還有幾個月:「唔使咁可惜,呢個係自然定律。我哋嘅關係仲好好。」

田蕊妮宣布離巢。

田蕊妮坦言已留在TVB 12年,比起亞視還要長時間:「要合作嘅監製、演員都合作過,我就係一個咁樣嘅人,想睇吓自己有咩可以進步,想畀啲衝擊自己,睇吓出面嘅世界,不過TVB真係一個好好平台。」問到會否覺得不捨,她又好玄咁話:「呢個圈永遠係圓嘅,永遠唔知將來會係點,唔知會唔會喺呢度見番我,亦唔知會唔會出面見到啲舊同事。」雖然不是提早完約,但她亦沒有接住簽部頭約,提到外界傳聞她會轉簽古天樂,她謂:「傳聞嘅嘢我冇回應。(有咩發展?)自己都未知。」不過一有新方向會立即和大家分享。

——————————

【#有禮送】下載 @ 流動新聞 📱手機APP!玩遊戲

💌送你《崇光百貨》現金券

💌送你《鴻福堂》現金券

💌送你《百佳》現金券

🍺送你德國手工啤

👉👉一玩即知中咩獎!🤟

—————————–

分享: