元旦遊行市民「捉錯鬼」 檢討籲慎防中計分化

(網絡圖片)

社會運動中,元旦遊行人士中互相不信任,正達到了反對陣營中的「分化目的」。被疑是警方臥底的兩人無奈指:「日後想出嚟都唔得。」

網民於是發表語氣較為嚴厲的文章,稱「捉鬼問題」可以極為嚴重,隨時重演2014年情況,令抗爭陣營自我崩潰,因此呼籲「唔好中計捉鬼,更加要阻止他人捉鬼」,分析如下:

1.#你係唔會捉中

坦白講,最熟悉前線行動模式嘅只會係前線,後排同和理非手足靠一知半解嘅認知,喺百萬人之中試圖捉鬼,#基本上係錯硬。

2.#捉鬼捉錯會累死人

成日講靜靜雞,就係因為前線手足要低調。你要驗明佢正身,就係逼佢喺鎂光燈下表白身份,到時曱甴搵到佢出嚟,#下一條浮屍嘅最大責任就喺你身上。

3.#捉鬼破壞互信

畀你懷疑嘅手足有幾無奈,有幾心灰意冷就唔多講。目前仲有好多跟唔上進度嘅和理非接受唔到勇武抗爭路線,隨時準備割蓆。你帶領佢捉鬼,佢就更加唔相信手足。記著:#互信係我地最大資產。

4.#喬裝本來就係奸計

某方就係睇準你地會捉鬼嘅心理,先會高調派出臥底。你一捉鬼,就係主動牽制前線手足,為曱甴增取時間。每個人崗位可能唔同,#但請唔好拖累手足。

5.#畀你捉成都無好處

區議會又好,遊行人數又好,已經話畀大家聽民意係唔會逆轉。你捉到曱甴扮示威者破壞,對大局嘅影響基本上係0。倒不如放任曱甴破壞,#一齊對中共造成輸出。

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟