陳明憙新歌歌詞調轉聽 現恐怖信息?

陳明憙(Jocelyn)早前為新歌拍攝MV挑戰三大難度,導演對她的要求不斷升級,除了濕身淋雨獻唱外,還要反轉寫字及將歌詞倒轉唱。不過她謂調轉來聽,會聽到恐怖信息。

陳明憙今次新歌MV要面對三大挑戰。

Jocelyn為第二首派台歌《天使禁獵區》拍攝MV,新歌同樣由她作曲,是一首對抗時間的歌曲,同時是新專輯的總概念,她指歌曲是同時間的一個對話,希望有一個禁獵區,鎖住某一個時間,任何事都沒有辦法獵走身邊的天使。

陳明憙拍攝新歌《天使禁獵區》MV。

以為在錄影廠拍攝MV可以好輕鬆,誰知導演的要求卻通通考起Jocelyn,她說:「首先係要我對住鏡頭寫字,聽落好似冇難度,但其實我係要反轉個字寫,觀眾先會睇到、估到係一個咩字。」埋位前,Jocelyn不斷練習,希望大家睇MV時能夠估到這個「秘密」。

要對住鏡頭反轉寫字,真係難到Jocelyn。

過完一關,導演將難度升級,今次要倒轉唱歌,同時還要濕身淋雨:「因為想表達逆轉時間嘅感覺,導演會用一個倒鏡嘅手法拍攝,啲雨會由地面升上嚟,而我就要倒轉啲歌詞唱。」雖然只需做口型,不用真唱,但Jocelyn聽着短短兩句歌詞,幾乎崩潰,她說:「估唔到掉番轉嚟聽,感覺會咁奇怪,我曾經聽人講,將首歌掉番轉嚟聽,女會聽到啲恐怖訊息。」

Jocelyn要濕身拍攝。
到正式埋位已經是凌晨時份,Jocelyn一邊淋雨一邊倒轉唱都沒有半句怨言,Jocelyn表示:「其實拍MV嗰個禮拜,一直忙緊新專輯嘅工作,拍MV嗰朝早我先坐飛機由北京返香港,成個禮拜,加埋瞓得八個鐘左右,但每次投入工作,都會唔識攰,正如今張概念專輯,入面七首新歌,自己全都有份作曲,有時寧願犧牲自己休息時間,將最好嘅音樂,帶俾每一位歌迷。」反而導演一直擔心Jocelyn辛苦,不斷跟她說「唔好意思」。
Jocelyn寧願瞓少啲都要拍好MV。

——————————
【#有禮送】下載 @ 流動新聞 📱手機APP!玩遊戲
💌送你  現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享: