布志綸@MR.出單曲改唱腔 免粉絲混淆

組合MR.成員布志綸(Alan)日前接受電視節目訪問,他透露自己的單歌唱腔會較溫柔,刻意做出與MR時期的不同效果,以免粉絲混淆。

布志綸接受電視節目訪問,宣傳新單曲。

布志綸日前接受香港開電視節目《開工大吉77》訪問,為自己的新單曲造勢!Alan表示為免Fans有混淆,單歌曲刻意與MR.唱腔有所不同:「唱MR.個時把聲會勁啲,而我自己單曲把聲就會輕柔少少,刻意做個分別出來!其實我都好想MR.再出新歌㗎!不過都要等隊友唔好太忙,因為依家大家都唔得閒。」

Alan都期望可以以組合MR.身份再出歌。

Alan自爆鍾意飲酒,被監製誘惑學懂「嘆」威士忌:「我首歌同酒有關,其實都係監製主意,依家跟得佢多,開始學識享受,唔係好似以前成枝隊咁!」他指自己酒品不錯,隊友話自己飲醉會有很多說話講,不會發酒癲。

Alan自爆鍾意飲酒,但飲醉會後不會發酒癲。

已為人父的Alan就話未減夜蒲習慣,更笑指是創作靈感之泉:「因為同音樂人傾歌,都要呷兩啖,大家放低戒心,咪可以暢所欲言囉!2020年我都計劃再派個人新歌,希望可以有好成績。」至於可有計劃再做爸爸?Alan說:「暫時都未有計劃再添丁,我都奇怪大家成日問我呢個問題!」

Alan話暫時未再有計劃生BB。

——————————
【#有禮送】下載 @ 流動新聞 ?手機APP!玩遊戲
?送你《崇光百貨》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟