吳嘉熙@SG唔急拍拖:緣份到白馬王子自然會出現!

女子組合Super Girls(SG)成員吳嘉熙(Cheronna)去年「單飛」發展後,包場舉行首個粉絲聚會,順道補祝月中的生日。早前與夏雨兒子黃奕晨分手,她表示戀情方面「急唔到」,更謂「緣份到白馬王子自然會出現」。

Cheronna表示戀情方面「急唔到」。

Cheronna近日舉行自己首個粉絲聚會,希望可以跟粉絲拉近距離,故特別包了一間餐廳,又在會上一口氣唱了十首歌,以歌會粉絲。她說︰「自己從來冇試過一個人的fans meeting,所以今次以一個迷你音樂會形式去搞,又可以要拉近同fans距離,自己好開心,好耐冇咁樣表演過,佢哋聽我唱歌,又可以近距離同粉絲傾計。」不過,今次Cheronna卻未有於現場獻唱自己的歌曲《把持》、《你的你》及《無利可圖》,反而只唱了SG的歌曲《鎂光燈下》,以及其他歌手的作品。Cheronna解釋粉絲成日都有機會聽到她的歌曲,反而想讓他們聽自己平時會聽的歌,對她了解更多。

Cheronna以歌會粉絲。

適逢Cheronna本月17日31歲生日,粉絲還準備了兩個生日蛋糕與她慶祝,她更即場許願︰「許咗咩生日願望就唔講了,怕講出來不能實現。不過佢哋好有心,準備的蛋糕都是我鍾意的卡通人物,係好sweet好開心的一件事。」

Cheronna包了一間餐廳舉行首個粉絲聚會。

復單身的Cheronna被問到會否想新一年有新戀情,她笑說︰「有當然好啦,但呢啲急唔到,要搵個啱真係睇緣份,所以都係專心工作先,緣份到白馬王子自然會出現。」至於會否想SG搞粉絲聚會,她說︰「其實大家都想搞,不過要同其他姊妹夾時間,大家都各有各忙,希望2020年可以做得。」

——————————
【#有禮送】下載 @ 流動新聞 📱手機APP!玩遊戲
💌送你《崇光百貨》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享: