余香凝買純銀手鏈畀「心上人」 恨三母女檔工作

余香凝(Jennifer)日前罕有以性打扮出席珠寶品牌活動,她表示求學時期曾與妹妹夾錢買純銀手鏈給「心上人」母親。她又謂會寄情工作,仲希望可以有客戶可以找她的「童顏媽咪」及好妹妹,以「三母女檔」一齊工作。

余香凝出席珠寶品牌時,微露事業線。

Jennifer近日受邀出席意大利高級珠寶品牌Repossi的發布活動,當天她以一襲低胸連身長裙登場,微露「事業線」,盡顯女性曲線。平日罕有性感示人的Jennifer笑言藉此一圓公主夢。她竟自爆有次試過將價值七位數字的首飾戴上身後,便不夠膽飲水:「因為我驚去廁所,洗手除低隻戒指就唔見咗,所以全日只係飲幾滴濕吓口。」

余香凝以一襲低胸連身長裙現身首飾品牌活動。

提到第一次購買珠寶的經歷,Jennifer笑言學生時期曾送手鏈給「心上人」:「以前試過買手鏈畀媽咪做生日禮物,記得當時仲讀緊書,同妹妹一齊儲零用錢,不過冇乜經濟能力,只能夠買純銀。」她表示希望努力工作,目標儲到第一桶金後,會先送層樓及好靚的鍊給母親。

余香凝喜愛簡約設計的首飾。
零桃花無緣戴龍鳳鈪

雖然孝順女Jennifer慳自己不捨得買首飾,但其母親甚有遠見,早已為兩位女兒儲定金器,Jennifer透露:「媽咪有買定龍鳳鈪,留俾我同妹妹做嫁妝,不過我應該冇咁快戴到喇,之前有玄學師傅贈言,話我呢幾年冇桃花!」Jennifer又揚言寄情工作,更想與「童顏媽咪」母女檔接Job:「早排我同媽咪、妹妹去希臘旅行,人人都話媽咪keep得好好,好似家姐咁。」她呼籲各大廣告商,可以搵她們「三姊妹」代言首飾,或者拍廣告,更笑言可以做埋母親的經理人。

——————————
【#有禮送】下載 @ 流動新聞 📱手機APP!玩遊戲
💌送你《崇光百貨》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟