【堅信號】蕭潤邦江若琳結婚一周年 約定下世「結多鑊婚!」

江若琳(Elanne)與蕭潤邦(Oscar)去年結婚,昨日二人在IG分享一周年紀念合照,江若琳更透露自己收到的結婚禮物雖然是「一碌木」,她卻覺得很浪漫。

(IG@江若琳)

江若琳留言:「眨下(吓)眼1年啦,佢係我人生快樂同力量既(嘅)來源,作為一個老公,你永遠超出100分,都係個(嗰)句,我人生做得最岩既(嘅)事係嫁俾(畀)你,哈哈 I love you! @siupongoscar(蕭潤邦Ig帳號)作為一個唔夠100分既(嘅)太太,來年我會努力追上你的好 至於我有咩週(周)年禮物,佢送左(咗)碌木俾(畀)我,佢話祝佢太太老如松柏 我竟然覺得好浪漫 #一週(周)年快樂 #蕭氏的浪漫之道 #今晚大廚親自下廚 #糯米糍都要參與」

蕭潤邦也在自己的社交帳號留言,隔空冧老婆,「結婚一年了,我會永遠是你的粉絲同老公,好快十年,好快廿年,好快八十年,到時我地(哋)百幾歲再約定下世結多獲(鑊)婚啦 今世愛盡D(啲)love u 蘋果」,江若琳回應「你講下世我想喊」。

——————————
【#有禮送】下載 @ 流動新聞 📱手機APP!玩遊戲
💌送你《崇光百貨》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: