女兒出浴片備受批評 陳柏宇:唔好用性感角度去睇!

陳柏宇近日於社交網站上載女兒Abigail的出浴短片,被網友批評未有幫囡囡遮掩重要部位。他出席新專輯放映會時大家有不同看法,又謂不是「賣女」,不應用性感角度去睇BB。

陳柏宇出席新專輯首映會。

陳柏宇(Jason)到九龍灣國際展貿中心出席新專輯《Anyone But Jason》首映會,即場播出放三首歌串連成故事的MV,Jason亦有獻唱,但未有參與舞台劇演出,他解釋自己喜歡唱歌多過演出,又謂有被該MV的故事感動到:「係講跟住爸爸步伐嘅故事,遊歷世界,跟佢行過嘅路。」他希望女兒Abigail可以學到自己樂天的一面,又指囡囡現在講「please」的誠懇又可愛樣子融化了他。

陳柏宇即場獻唱。

提到他日前上載幫Abigail沖涼的片段後,不少網友指摘他未有保護女兒,令囡囡露「全相」,Jason解釋說:「佢話露兩點唔得,我尊重佢,但佢阻止唔到我露佢(女兒)兩點。即係佢假設咗我個女大個睇番會覺得核突,如果個女大個問『爸爸,點解你細個冇幫我影沖涼片』咁點算?」Jason表示明白大家有自己的看法,但認為自己不是賣女:「唔係要佢拍三級片、唔係影性感寫真,同埋BB女又好、仔又好,唔會有人用性感嘅角度去睇。」他續指有這個想法的人,思維一定有問題。

陳柏宇 IG 截圖

Jason謂大家可以隨便討論,自己不介意有人覺得事件有問題,而事件本身亦沒有犯法:「佢哋可以用自己嘅方法保護仔女,我都明白香港社會對呢啲嘅睇法冇外國咁開放。」Jason稱不會因事件而不開心,又笑言:「你會唔會見BB女拍尿廣告戴bra嘅?唔會㗎嘛,因為佢哋根本未有乳房,我唔覺得係咩嘅問題,大家agree to disagree。」

陳柏宇日前上載幫女兒沖涼的影片後,備受網友批評。

——————————
【#有禮送】下載 @ 流動新聞 ?手機APP!玩遊戲
?送你《崇光百貨》現金券
?送你《鴻福堂》現金券
?送你《百佳》現金券
?送你德國手工啤
??一玩即知中咩獎!?
——————————

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟