教「小鮮肉」打排球嗌正 鄧麗欣要先惡補潮語

鄧麗欣(Stephy)出席ViuTV新劇《男排女將》開鏡儀式,與組合MIRROR、ERROR及顧定軒等「小鮮肉」合作,連她自己都話「好正」。她又笑謂要於開拍前自先惡補時下年青人的潮語,以免有代溝。

鄧麗欣飾演男子排球隊教練。

身為排球女將的Stephy,今日到元朗一間荒廢學校為ViuTV新劇《男排女將》拍攝及進行開鏡拜神儀式,同場還有「小鮮肉」MIRROR、ERROR、顧定軒等。Stephy相隔16年再度拍攝電視劇,今次於劇中飾演教練一角,更會於劇中落場跟一班「小鮮肉」切磋球技。連Stephy都大呼「好正」:「佢哋個個真係好鮮,頭先啲同事話我膚色最黑,全部都白過我。佢哋真係好鮮肉。」至於會否擔心出現代溝,她表示已惡補年青人的術語,她笑言:「我都溫習過先嚟拍,如果唔係我真係聽唔明佢哋講。」

鄧麗欣笑言組合MIRROR及ERROR成員「好鮮」。

曾與Stephy合作電影《藍天白雲》的顧定軒,表示二人於劇中是師生關係,對可以再合作拍攝長篇劇集感到開心:「上次合作對手戲比較少,今次滿足晒。基本上好多對手戲都係同Stephy,但冇戀情。」

鄧麗欣與顧定軒再次合作,二人會有很多對手戲。

此外,Stephy指今次拍攝期約三個月,但聖誕節及新年可以放假,會爭取時間拍拖。問到可有為男友邱勝翔(王子)準備禮物,她謂沒有時間,要等下一年。

余潔瀅首次拍長劇,飾演Stephy的助教。
一眾《男排女將》演員一同切燒豬。

——————————
【#有禮送】下載 @ 流動新聞 📱手機APP!玩遊戲
💌送你《崇光百貨》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

分享: