韓子亮逆市推出首張大碟 擔心到瞓唔着

歌手韓子亮(TL)上周三(11日)終於正式推出首張個人大碟《Party with TL》,TL直言出碟前擔心得睡不着覺:「好開心,因為第一隻碟,而且呢隻碟真係由我出道無耐就開始籌備,當係人生喺樂壇第一份功課。」他表示這大碟收錄由出道到現時為止自己最喜歡的歌曲:「我啲Fans特登去買完隻碟之後,留言問我攞簽名,可能遲少少會搞個迷你粉絲見面會,隻碟就係入場券,可以一次過同佢哋簽名影相。」

韓子亮推出首張個人大碟,直言曾擔心得睡不着覺。

對於為何選擇現時不景氣的市道下推出處男大碟,TL感慨說:「喺依家呢個市面出十首歌大碟都真係幾艱辛。(點解唔留番聖誕節或新年先出?)因為我想出咗先,等聖誕節啲人行街時都可以見到我隻碟同埋可以播住我啲歌過節。(呢五日銷情如何?)滿意,都算係理想,但未算係最好,始終依家呢個環境,都明白,所以我自己都走去買咗幾隻支持返自己,哈哈。」

韓子亮對新碟銷情感到滿意。

談到首次出碟便碰着大部分的樂壇頒獎典禮都取消,問到是否覺得可惜時,TL就:「係可惜嘅,但我本身都冇乜信心攞獎㗎喇,我淨係想做返啲我想做嘅嘢畀歌迷睇。」

——————————
【#有禮送】下載 @ 流動新聞 📱手機APP!玩遊戲
💌送你《崇光百貨》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

 

 

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟