蘇慧恩唔抗拒「姊弟戀」 睇台劇「偷師」

蘇慧恩(Ophelia)於新片中與謝高晉發展「姊弟戀」,Ophelia表示開拍前翻睇楊謹華及阮經天主演的台劇偷師,又謂現實中不介意另一半的年紀比她小。

蘇慧恩於現實中發展「姊弟戀」。

電影《真的你.假的我》將於明年暑假檔期上映,Ophelia及謝高晉等到深圳酒店出席發布會,問及電影內與男主角謝高晉有否戀愛關係,Ophelia 回應 :「電影內我飾演一個神憎鬼厭嘅酒店老闆娘,而高晉就係被我詐騙之後,成為咗酒店員工,我就用一個大姐姐嘅角色教佢點樣打理酒店,喺日對夜對嘅情況之下,當然對佢有感覺,其實套戲有啲似《敗犬女王》姊弟戀嘅橋段,所以拍呢套戲之前,我都翻睇咗《敗犬女王》向楊謹華同阮經天偷吓師!」

蘇慧恩於新片中對謝高晉有感覺。

兩位主角被問及能否接受姊弟戀,Ophelia則表示:「年齡對我來講真係唔係一個問題,因為自己本身喺屋企係大家姐,由細到大都好識得照顧人,所以我真係唔介意另一半細過自己,最緊要我對嗰個人有感覺,就算姊弟戀都冇所謂啦!」而謝高晉表示:「其實我唔介意女朋友大過自己,最緊要性格夾得到,同埋有共同話題,反而女仔大個小小會成熟啲,冇咁公主病,更加識得照顧自己,因為我都好怕同一啲唔成熟既女仔一齊。」

蘇慧恩話自己好識得照顧人,所以唔介意「姊弟戀」。

——————————
【#有禮送】下載 @ 流動新聞 📱手機APP!玩遊戲
💌送你《崇光百貨》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
——————————

 

 

 

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟