C君自度文言文「愛的誓言」冧爆黃天頤

組合農夫成員鄭詩君(C君)今日與拍拖五年女友黃天頤拉埋天,C君在接新娘時發表與別不同的文言文「愛的誓言」,還揚言「做唔到就天打雷劈」,令天頤的既感動又開心,C君亦娶得美人歸。

C君娶得美人歸。

C君中午穿上傳統馬褂,與陣容鼎盛的星級兄弟團包括:陸永、蕭正楠、黃翠如、洪永城等到酒店接新娘。兄弟團到達新娘房時第一時間付上開門利是,一眾姊妹不斷叫價,一度提出九千九百九十萬的銀碼,C君聽到銀碼後即表示:「你哋要呢個數,李嘉誠都娶唔到老婆啦!」之後蕭正楠馬上向各兄弟籌集利是錢,陸永突然大聲呼叫「嘩!真係厚到利是封都擺唔落呀。」原來他們用銀紙包着一包紙巾,怎料被姊妹們發現起哄,蕭正楠搞笑地說:「黃翠如得入面嗰包咋!」經過一輪議價後,C君以一封「開心大利是」順利過關。

陣容鼎盛的星級兄弟團包括(後排左起)陸永、黃翠如、蕭正楠、洪永城。

接着C君與兄弟團要接受三個遊戲考驗,第一個遊戲是要穿上美少女戰士服飾,模仿美少女戰士變身,眾人輕易過關。第二個遊戲,C君要戴上眼罩口含唇膏,為兄弟塗唇膏。兄弟們到要用嘴貼嘴方法,傳送一塊心心的透明膠片。最後一個遊戲要考驗兄弟們體力,首先C君睡在地上,兄弟與他面對面、一邊口含威化餅一邊做掌上壓,每做九下便要說出一句恭賀說話,新郎哥最終被噴到一面一頭都均是餅碎。

最後少不免是愛的宣言環節,C君一改傳統,表示自己所寫的是與別不同的「愛的誓言」,他表示:「天頤婚前一直都唔畀我叫老婆、太太,就算有人叫佢做C君老婆,佢都第一時間否認,強調只係我女朋友。不過過咗今日可以每日叫你老婆啦。一直以嚟好多新人都係讀愛的宣言,但係宣言係可以改或者唔算數,我自己度咗一段愛的誓言,如果做唔到就天打雷劈。」天頤在房內聽到老公夾雜文言文的誓言既感動又開心。不過一對新人表現極含蓄,C君只輕錫老婆面頰一下,在旁的兄弟姊妹居然沒有起哄要求二人咀嘴。

C君發表與別不同的「愛的誓言」。

而擔任「大妗姐」的唐詩詠可能未背熟台詞,出現食螺絲的情況,場面十分搞笑。

——————————
【#有禮送】下載 @ 流動新聞 📱手機APP!玩遊戲
💌送你《崇光百貨》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟