孖翠如拍《使徒3》 袁偉豪貼片叫網友搵亮點

黃翠如與袁偉豪於2017年加盟《使徒行者2》演出,二人飾演的「妹頭」及「天堂哥」成功入屋。早前《使徒行者3》開拍,兩人當然有份留低,與「爆Seed」林峯大鬥演技。

袁偉豪和黃翠如近日忙於拍《使徒3》,幾乎由朝打到晚。(取自袁偉豪IG圖片)

日前袁偉豪在IG分享拍攝花絮,上載多條短片,只見平時冇拍開打戲的翠如,舉起腳狠踢對手,勁有霸氣,不過袁偉豪就話當時現場其實笑料十足。他留言說:「搶先出場,梅姐你啲腳力比之前勁好多!恭喜你又完成一個作品啦!找亮點!」黃翠如問他:「亮點唔係我好型咩?」袁偉豪即揭曉答案,原來片中的翠如BB着了鴛鴦鞋,十分搞笑。

黃翠如呢招踢腿渾身是勁,望真點原來笑料十足。(取自袁偉豪IG圖片)
分享: