型格婚照曝光 C君:傳統禮服要縮肚

C君與拍拖五年的港台DJ黃天頤,將於本月13日拉埋天窗,二人早前到日本富士山河口湖拍攝婚照。而今日曝光的婚紗相,一對新人有別於平時所見的婚照,相中二人選取了型格的黑色服飾,準新娘天頤表示:「我一直覺得婚紗係結婚當日先著,pre wedding可以揀自己鍾意嘅衫。同埋C君成日強調輯相主題得兩個字,就係開心,如果著婚紗影相好難開心、又窄又盛又顧住有無走光又要縮肚。」

C君坦言日本婚攝公司服務周到。(網上圖片)

一眾新人普遍於結婚前大半年、甚至更早拍攝婚照,但二人此輯婚照拍攝時間相當緊逼。C君表示:「我之前上網睇啲KOL啲相,見到影紅葉好鬼靚,於是一心想影輯滿佈紅葉嘅婚紗照囉,可惜事與願違。十月尾去搵婚攝公司時,職員話十月尾冇紅葉要到十一月中先開始有啲,咪搞到成件事咁遲囉。」

二人原本想婚照有紅葉襯托,可惜事與願違。(網上圖片)

C君又大讚日本婚攝公司服務周到、價錢相宜,他說:「除咗服裝係自己預備,所有嘢都由佢哋預備好晒,隨行仲有翻譯,招呼好到我以為拍緊廣告。埋位前後有一專人為他們遞被保暖、飲品。」

C君和天頤的婚照以黑色格調為主,背面是富士山,十分破格。(網上圖片)
分享: