誰是最難忘對手 甄子丹:拳王泰臣

甄子丹主演的電影《葉問4:完結篇》將於本月20日聖誕檔期上映。身為監製及主演的甄子丹,日前和導演葉偉信及動作導演袁和平現身深圳《葉問4:完結篇》發佈會,吸引不少影迷到場。

甄子丹、袁和平和葉偉信近日四出為電影宣傳,希望再創佳績。(網上圖片)

早前宣布不再拍功夫片的甄子丹,當日在台上亦有詳細解釋自己的想法: 「我唔再拍功夫片,唔等於我唔再拍攝動作片,因為武俠片可能需要吊威吔,動作片可能混入咗格鬥同科幻元素喺裏面,但功夫片只會喺中國電影圈先出現,喺外國唔會有,然後演員演功夫片係必須要有深厚嘅功夫底子,要有一定水平,要演出特別特定嘅節奏,一招一式、腰、馬步……表現風格係獨有嘅,係其他動作片唔會有嘅,對於呢類影片,我實在感到好攰,但對於其他類型嘅動作片,我仲有一啲諗法,希望以後陸續喺其他電影中呈現畀觀眾睇。」

甄子丹表示不拍功夫片,不代表不拍動作片。(網上圖片)

《葉問》系列拍到最終回,甄子丹被問到過去跟不同對手比試,誰最難忘?他毫不猶豫便指出是拳王泰臣(Mike Tyson):「因為我係拳迷,佢喺拳壇係一個傳奇,知道同佢對打,我抱住演員同拳迷嘅心態同佢對打,印象非常深刻,另外喺《葉問2》裏面同洪金寶圓桌上對打都好深刻,相信為影迷留下深刻印象。」

與洪金寶在圓桌之戰亦是功夫片的經典場面。(網上圖片)
甄子丹最難忘和拳王泰臣一場對打。(網上圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟