向中學生演講 王梓軒自爆讀書時經常被罰

王梓軒近日忙於為自己的十周年演唱會《CROSSING 源‧樂 》和音樂舞台劇《利瑪竇》進行綵排,雖然很忙,但他也抽空到不同的學校演講,向年輕人分享自己人生路上的經歷,藉此勉勵一班年輕人。

演講後,王梓軒與學生逐一合照及簽名。(網上圖片)

日前他走到葵涌循道中學,他先問各位同學「乜嘢係嬴在起跑線?」,同學們踴躍回答:「含住金鎖匙、富裕……」為此王梓軒有另一種看法,他先引用狄維·莊遜(Dwayne Johnson、蘋果創辦人之一史提夫·喬布斯(Steve Jobs)及奇洛·李維斯(Keanu Reeves)這幾位成功人士也是出生於破碎家庭。

王梓軒與在場中學生不時互動。(網上圖片)

之後王梓軒更加將自己的成長經歷公開,他說:「有個小朋友以前讀書,成日俾老師『的』出嚟,喺所有同學面前鬧,或者反轉張櫈(罰)坐幾粒鐘,最後佢要轉校。雖然成績OK,但最致命係校長喺成績表寫住『不懂愛護小朋友』,佢都唔知點解……轉咗校,佢好努力,不過細個時語言能力唔係特別強,中文水平好低,學校分六級,呢個男仔一年內,由最低的第六級升到第一級。其實我想話俾大家聽,三十幾年嘅人生,我發現一樣嘢,點解人冇贏在起跑線?因為我哋嘅意志、努力,遠遠勝過外在條件,嗰啲嘢俾咗你冇用,如果你自己唔努力,係冇贏在起跑線,因為人生本來就係一場馬拉松,就算你生出嚟係一隻龜,但唔休止去努力,我覺得最後勝利都好有可能係你!」

分享: