朱晨麗32歲生日 緋聞男友何廣沛秒祝福

在劇集《多功能老婆》飾演港女阿太的朱晨麗(朱朱),今日踏入32歲生日,她在IG貼上一張靚相,留言:「我的誕生日#感恩」緋聞男友何廣沛隨即冧爆留言:「感恩有這一日。」好鬼Sweet。

朱朱合上眼對着蛋糕許願,未知是否想念仍在工作的緋聞男友呢!(取自朱晨麗IG圖片)
而朱朱生日亦獲《多》劇演員為她慶祝,其中在劇中飾演她閨密的陳煒,就約埋同劇演員洪永城、王梓軒等一齊為朱朱慶祝生日,並送上蛋糕和鮮花。陳煒祝福壽星女:「Happy birthday to My dear,祝妳要仔有仔錫、要錢有錢使、要獎有獎攞、要靚日日靚爆鏡!」至於其中一張相,見到洪永城反白眼兼伸脷,搶走壽星女的蛋糕,陳煒又留言:「洪永城以為有人會幫佢慶祝埋生日,sorry冇囉,根本冇人知佢12月6號生日。」王梓軒亦加把口:「可憐蟲,唔緊要啦!為慶祝朱朱生日,係要稍為付出吓㗎喇!」

分享: