酒店遇火警 栢芝抱細仔漏夜逃生

藝人張栢芝的細仔張禮承(Marcus)日前1歲生日,慶祝活動陸續有來,繼日前和好友及疑似老外生父為細仔慶祝生日外,轉頭栢芝已帶Marcus到外地度假,誰知卻遇到驚險事!日前栢芝朝早揸車買早餐途中,拍片和網友細述經過。她透露昨晚凌晨1點在酒店睡覺時,突然聽到英文廣播叫大家走火警!她指火警鐘和廣播雙重轟炸下,工人姐姐相當慌張:「我工人我最佩服佢,佢唔拍醒我喎,嗰吓好嘢喎!佢又震晒喎!」

栢芝最大惑不解是為你在火警鐘響起時,工人會不拍醒她。(取自栢芝IG圖片)

不過被警鐘嘈醒的栢芝,則保持冷靜,一手抱起熟睡中的Marcus,一手拿貴重物品即刻離開房間逃生。最後酒店公布已沒大礙,而栢芝亦返房繼續休息,不過栢芝在片中笑言:「我諗住一陣問工人,我擘大眼嗰陣見到我工人起咗身嘅,點解你咁驚震晒都唔叫醒我呢?哈哈哈!呢個反而係我最想尋求嘅答案。」

雖然在酒店遇上火警,但好彩有驚無險。(取自栢芝IG圖片)
栢芝為細仔生日的慶祝活動浪接浪,但想不到期間竟遇驚險事。(取自栢芝IG圖片)
分享: